2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
Gündəm

Daha bir məscidin söküləcəyi bildirilir

Bakıdakı Hacı Cavad məscidi ilə bağlı narahatlıqlar azalmır. Artıq, bir müddətdir ki, kimi məscidin söküləcəyini, kimisi də bunun əksini söyləyir.

Bu gün, aprelin 10-da da bu məsələni yenidən vəkil Cavad Cavadov gündəmə daşıyıb.

Saytların yığılması Saytlarin yigilmasi

Vəkilin bildirdiyinə görə, yerli icra hakimiyyəti qurumlarından sakinlərə gəlmiş məlumatlarda məscidin söküləcəyi bildirilir.

“Bu məscidi Mədəniyyət və Turizm Nazirliyi yeni aşkar olunmuş tarix və mədəniyyət abidələrinin siyahısına daxil edib. Məscidin sökülüb-sökülməməsi ilə bağlı vəziyyət qeyri-müəyyəndir”, – deyən vəkil məsələni aydınlaşdırmaq məqsədi ilə Yasamal rayon İcra Hakimiyyətinə sorğusu göndərdiyini bildirib.

Vəkil əlavə edib ki, sökülmə qərarı verildiyi halda həmin qərarın məhkəmə qaydasında mübahisələndirilməsi məsələsi nəzərdən keçiriləcək.

“Lakin reallıqda bu tipli söküntülərin ildırım surəti ilə həyata keçirildiyini anlayırıq. Yenə də inanırıq ki, belə niyyətləri olan məmurlar bundan vaz keçəcəklər”.

Bir qədər öncə isə Dini Qurumlarla İş üzrə Dövlət Komitəsindən məscidin söküləcəyi ilə bağlı məlumatları təkzib etmişdilər.

Hacı Cavad məscidi Bakının mərkəzində, Çingiz Mustafayev küçəsində yerləşir.

Yerli camaatın bildirdiyinə görə, məscidi Hacı Cavad adlı tacir tikdirib.

Məscidin giriş qapısının üstündə 3 daş kitabə həkk olunub. Həmin kitabələrdən birinə əsasən, məscidin inşa tarixi hicri-qəməri təqvimi ilə 1305-ci ilə aiddir.

Divarlarının qalınlığı 1 metr olan bu məscid yonulmuş sal daşlarla tikilib.

24saat.org

Mənbə – azadliq.org

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button