Loading...
Loading...
ÖLKƏDünya

Daşkənd Ukraynadakı separatçı ‘respublikaları’ tanımır

Martın əvvəlində Qazaxıstan Ukraynaya qoşun göndərməklə bağlı Moskvanın xahişini rədd edib

Özbəkistan Ukraynanın Donbas regionunda qondarma “Donetsk Xalq Respublikası” və “Luqansk Xalq Respublikası”nı tanımadığını bildirib, Rusiyanın Ukraynaya qarşı səbəbsiz müharibəsini bitirəcək “dinc həll”ə çağırıb.

Martın 17-də deputatlar qarşısında çıxış edən Xarici işlər naziri Əbdüləziz Komilov tərəfləri münaqişəni “diplomatik yollar”la həll etməyə çağırıb.

“Birincisi, hərbi əməliyyatlar və zorakılıq dərhal dayandırılmalıdır. Özbəkistan Respublikası Ukraynanın müstəqilliyini, suverenliyini və ərazi bütövlüyünü tanıyır. Biz Luqansk və Donetsk respublikalarını tanımırıq”, – deyən Komilov ölkəsinin UkraynaRusiya ilə tarixi əlaqələri olduğunu vurğulayıb.

“Dövlət maraqlarını nəzərə alan Özbəkistan hər iki ölkəylə qarşılıqlı əməkdaşlığı davam etdirəcək”, – Komilov deyib.

Özbəkistan Moskvanın Ukraynaya səbəbsiz hücumunu dəstəkləməyən ikinci Orta Asiya ölkəsidir.

Martın əvvəlində Qazaxıstan Ukraynaya qoşun göndərməklə bağlı Moskvanın xahişini rədd edib, Ukraynada Rusiyanın dəstəklədiyi separatçı “respublikalar”ı tanımadığını bildirib.

Komilov onu da deyib ki, Özbəkistan hökuməti Rusiyaya beynəlxalq sanksiyaların ölkəyə iqtisadiyyatına mümkün təsirini önləməyin yolları üzərində işləyir.

Rusiya fevralın 24-də Ukraynaya hücuma başlayandan sonra ABŞ, Kanada, Britaniya, Avropa İttifaqı üzvləri və bir sıra digər ölkələr Moskvada sanksiyalar tətbiq ediblər.

24 saat” “
Daşkənd Ukraynadakı separatçı ‘respublikaları’ tanımır
” başlıqlı yazını “AzadliqRadiosu”na istinadən dərc edib

Xeberler

Gözdən qaçırmayın:  Hacıbala Abutalıbovun Aparat rəhbəri həbsdən buraxıldı

This site uses Akismet to reduce spam. Learn how your comment data is processed.

Back to top button