2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
Cəmiyyət

“Dedilər ki, bu oğlunu itirmisən, o birindən muğayat ol” – Naxçıvanda müəmmalı ölüm

Ötən ilin oktyabrında Naxçıvan Muxtar Respublikasının Şərur rayonunda intihar etdiyi bildirilən 1986-cı il təvəllüdlü Orxan Həsənovun ailəsi onun ölüm işinin obyektiv araşdırılmadığını deyir.

Mərhumun ailəsi “Naxçıvanbank”ın Şərur filialında baş xəzinədar işləmiş Orxanın intiharına inanmadıqlarını bildirib.

O.Həsənovun atası Fazil Həsənov qeyd edir ki, oğlu 2021-ci ilin oktyabr ayının 12-də səhər işə gedib və günorta saat 15 radələrində işlədiyi bankı tərk edib. Bundan sonra ondan xəbər almaq mümkün olmayıb: “ “Naxçıvanbank”ın Şərur filialının rəhbəri kiçik oğluma deyib ki, Orxan Türkiyəyə keçib, daha sonra onun Bakıya getdiyini, bir qədər sonra isə maşınının Şərurda Gümüşdağ istiqamətində təkərinin buraxdığını bildiriblər. Həmin gecə dağların arasında, heç kimin yaşamadığı ərazidə oğlumun asılmış meyiti tapıldı”.

Saytların yığılması Saytlarin yigilmasi

Həsənovlar ailəsi Şərur Rayon Prokurorluğunun hadisəni düzgün araşdırmadığını düşünür. Ailə məsələnin Orxanın “Naxçıvanbank”dakı fəaliyyəti ilə bağlı olduğunu iddia edir. Mərhumun valideynlərinin sözlərinə görə, bankda xeyli pul yeyintisi olub və bunu Orxanın üstünə atıblar. Daha sonra izi itirmək üçün onu öldürüb, intihar hadisəsi kimi qələmə veriblər: “Biz nə desək də, sözümüzə fikir verən olmadı, bildikləri kimi istintaq apardılar, biz bu istintaqdan narazıyıq. Xahiş edirəm övladımın qanı batırılmasın, ölüm səbəbi üzə çıxsın, mənim övladımı məhv elədilər, öz haqqını, bizim haqqımızı tələb etdiyinə görə övladımı yox etdilər. Bizimlə maraqlanan yoxdur, bu hadisədən sonra kiçik övladım da işini itirdi. Xahiş edirəm bizə köməklik göstərilsin”.

Mərhumun anası Raziyə Həsənova saytımıza açıqlamasında iddia edib ki, ailəni qorxutmaq üçün müəyyən vasitələrə əl atılıb: “Şərur Rayon Prokurorluqdan dedilər ki, bu oğlunu itirmisən. Ağzını açıb danışsan, balaca oğlun Allahverdini də itirərsən. Get, o biri oğlundan muğayat ol”.  (Qafqazinfo)

24 saat” ““Dedilər ki, bu oğlunu itirmisən, o birindən muğayat ol” – Naxçıvanda müəmmalı ölüm” başlıqlı yazını “Pressklub”a istinadən dərc edib

Xeberler

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button