ÖLKƏ

Deputat Ağalar Vəliyevin oğlu kazino tikir – Fotolar

“Şəkildə gördüyünüz bu ərazini (Gürcüstanın Kabuleti şəhəri) 3 il əvvəl Ağalar Vəliyevin oğlu Pərviz Vəliyevə məxsus “Kristal Building” LTD hərrac vasitəsilə 2.5 milyon lariyə (o zamankı valyuta kursu ilə təxminən 1 milyon dollar) satın almışdı. Ərazi 2017-ci ildə, Zərdab Pataradze Acarıstan Muxtar Respublikasına rəhbərlik edən dövrdə satılıb”. 

Reportyor.info xəbər verir ki, bu barədə araşdırmaçı jurnalist Cavanşir Həsənli bildirib.

O qeyd edib ki, 2018-ci ildə Zərdab Patatadze Gürcüstanın Azərbaycandakı fövqəladə və səlahiyyətli səfiri təyin olunub.

“2019-cu ildə Gürcüstan Dövlət Təhlükəsizlik Xidməti korrupsiya ehtimalı əsasında sözügedən hərracla bağlı təhqiqata başlayır, sənədlər araşdırılmağa başlayır. O zaman “Rustavi 2″ kanalı məlumat yaymışdı ki, DTX-ya Acarıstanın yeni rəhbəri Tornike Rizhvadze müraciət edib”, – o deyib.

Məlum olub ki, hərrac yolu ilə “Kristal Building” LTD-yə yaşıl zolaqda göydələn tikintisi üçün 3 hektar ərazi satılsa da, 4 hektar ərazi hasarlanıb:

“Yəni qanunsuz olaraq 1 hektar əlavə ərazi zəbt olunub. Buna görə ərazidə tikintinin davam etdirilməsinə icazə verilməyib. Söhbət 200 milyon lari investiya yönəldilən 117 metr hündürlüyündə 33 mərtəbəli otelin tikintisindən gedir. Kompleksdə Kabuletinin ən böyük kazinosu də nəzərdə tutulur”.

 

 

Gözdən qaçırmayın:  Eldar Həsənov və övladlarının şikayətinə 'yox' deyildi

This site uses Akismet to reduce spam. Learn how your comment data is processed.

Back to top button