Deputat Ülvi Quliyevin oğlu Orxan Quluzadə Vətən müharibəsində harada olub?
Deputat Ülvi Quliyevin oğlu Orxan Quluzadə yenidən gündəmdədir. İkinci Qarabağ savaşı 44 günlük vətən müharibəsi, ərəfəsində bəzi, tanınmışların, məmurların övladları öz keflərində, biznesləri ilə məşğul olub orduya heç bir dəstək olmadılar. Bunlardan da biri deputat Ülvi Quliyevin oğludur ki, adı ordumuza dəstək olan məmur övladları sırasında çəkilmədi. Yəni Ülvi Quliyev oğlunu gizlədə bildi.
Jurnalist Cavanşir Həsənli özünün Facebook profilində Milli Məclisin deputatı Ülvi Quliyevin oğlu bu günlərdə Londonda 600 min funt sterlinqə (1 milyon 300 min manat) yeni mənzil almasına dair xəbər və alqı-satqı sənədlərinin fotolarını yerləşdirib.
Jurnalist C.Həsənli öz paylaşımında yazır: “Ölkədə pandemiya ilə əlaqədar karantin rejiminin davam etdiyi vaxtda Londonda 600 min funt sterlinqə (1.300.000 manat) ev alan şəxsin kimliyini maraq edirsiniz. Həmin şəxs Milli Məclisin deputatı Ülvi Quliyevin oğlu Orxan Quluzadədir”.
Deputatın oğlu bu yaxınlarda İngiltərə paytaxtında, Avenue road, 32, N12 8PY-dəki evi almaq üçün 0635 3306 0009 saylı alqı-satqı müqaviləsi imzalayıb və iyulun 3-də müqavilənin şərtlərinə əsasən 600 min funt sterlinq vəsait UGANO LTD vasitəsilə Hampshire Trust Bank PLC üzərindən ödənilib.
Bu ev deputat Ülvi Quliyevin oğlu Londonda aldığı sayca 5-ci evdir. Orxan Quluzadə bundan əvvəl Londonda daha 4 mənzil alıb:
LONDON, SQUİRES LANE 124 (565 min funt sterlinq)
LONDON, SELLİNCOURT ROAD 149 (425 min funt sterlinq)
LONDON, SELLİNCOURT ROAD 151 (500 min funt sterlinq)
LONDON yaxınlığında BARNET, MAYS LANE 20 (750 min funt sterlinq).
Ülvi Quliyevin oğlu UGANO LTD-ni 2009-cu ildə Londonda təsis edib, şirkət ötən ilin iyul ayınadək GUANO LTD adı ilə fəaliyyət göstərib. 2019-cu il maliyyə hesabatına görə şirkətin aktivləri 1 milyon funt (1.200.000 dollar) civarında olub. Orxan Quluzadə bu ilin əvvəlində Londonda ikinci şirkətini – MARKETING SOLE PROJECT LTD-ni təsis edib. Atası Ülvi Quliyev dərman biznesi ilə məşğuldur, “LOĞMAN FARM” tibb şirkəti də Orxan Quluzadənin adına qeydiyyatdan keçib”.
