Cəmiyyət
Deputatın oğlu xaricdə xizək qəzasında vəfat etdi
Milli Məclisin deputatı Əsabil Qasımovun oğlu faciəli şəkildə dünyasını dəyişib.
Deputatın 29 yaşlı oğlu Elçin Qasımov İsveçrədə xizək qəzasına düşüb. Hadisə nəticəsində ağır kəllə-beyin travması alan gənc dünyasını dəyişib.
“Qafqazinfo” Əsabil Qasımovla əlaqə saxlayıb. Millət vəkili faktı təsdiqləyib. O, bildirib ki, hadisə bir neçə saat öncə baş verib.
Allah rəhmət eləsin!
Qeyd edək ki, 79 saylı İmişli seçki dairəsindən deputat olan Əsabil Qasımov parllamentin İqtisadi siyasət, sənaye və sahibkarlıq komitəsinin üzvüdür.
Deputatın partiya mənsubiyyəti: Yeni Azərbaycan Partiyası.