Derbidə ulduzlar yaxından izləniləcək

Avropa Liqasında Fənərbaxçanın qazandığı uğurlar futbolçuları transfer bazarının diqqət mərkəzinə çevirib. "Beşiktaş" derbisinin yüksək səviyyəsi Avropalı skautlar üçün "Fənərbaxça"nın ulduzlarını qiymətləndirmək imkanı yaradacaq. Marko Asensio ilə "Sevilya" klubu maraqlanır. İsmail Yüksək və Sebastyan Şimanski də transfer edilməsi gözlənilən digər oyunçulardır.

Şimanski komandanı tərk edə bilər

"Beşiktaş" derbisində İsmail Yüksəki İngiltərənin "Brayton" və Almaniyanın "Ştutqart" klublarının skautları izləyəcək. Ehtiyat oyunçular skamyasında yer alması və sonradan oyuna daxil olması gözlənilən Sebastyan Şimanski də Fransız və Alman klublarının diqqətindədir. Polşalı futbolçu ilə daha əvvəl "Lion" klubu maraqlanırdı.

Minimum qiymət 10 milyon avro

Klub rəhbərliyi İsmail Yüksək üçün qış transfer təkliflərinə qapalıdır. Baş məşqçi Domeniko Tedesko da milli futbolçunun tezliklə satılmasını istəmir. Domeniko Tedesko ilə yenidən özünü kəşf edən İsmail Yüksək də yanvar ayında komandanı tərk etməyi düşünmür. Ancaq mövsümün sonunda yaxşı bir təklif gələrsə, ayrılmağı düşünə bilər. "Fənərbaxça" klubu Sebastyan Şimanskini isə 10 milyon avroya satmağa hazırdır.

24 saat