2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
Dünya

Dneprdə ölənlərin sayı 30-a çatır. Britaniya ‘Challenger 2’ tankları göndərir

Ukraynanın mərkəzi Dnepr şəhərində yaşayış binasına Rusiyanın raket zərbəsindən ölənlərin sayı 30-a çatıb. Dnepr bələdiyyə şurası yanvarın 14-də baş vermiş hadisə nəticəsində 72 nəfərin yaralandığını bildirir.

Saytların yığılması Saytlarin yigilmasi

Altısı uşaq olmaqla 39 nəfər xilas edilib. 43 nəfərin itkin düşdüyü bildirilir.

“Axtarış və xilasetmə işləri, təhlükəli struktur elementlərin sökülməsi davam edir, dayanmadan”, – Ukrayna Prezidenti Volodimir Zelenski deyib.

“Biz hər bir həyat uğrunda vuruşuruq”, – deyən Zelenski ənənəvi gecə müraciətində Rusiya xalqına müraciət edib.

“Sizin qorxaq sükutunuz, nə baş verdiyini sonadək izləmək cəhdiniz onunla bitəcək ki, bir gün eyni terrorçular sizin ardınızca gələcək”, – Zelenski rusca deyib.

Şəhər şurası daha öncə “Dneprə ən ağır terror hücumu” ilə əlaqədar üç günlük matəm elan edib.

Ukrayna ordusu doqquzmərtəbəli binaya X-22 raketilə zərbə endirildiyini bildirir. Azı 1100 nəfərin yaşadığı binanın girişi tamamilə dağılıb.

Ukrayna hərbi komandanlığının yanvarın 15-də yaydığı məlumata görə, bir gün öncə Rusiya üç hava reydi, 57 raket zərbəsi, 69 hücum gerçəkləşdirib.

Yanvarın 14-də Dneprdən başqa qərbi Lvov və İvano-Frankovsk regionlarına, Odessa və Xarkov vilayətlərinə, eləcə də paytaxt Kiyevə zərbələr endirilib.

Kiyevin şimaldan ballistik raketlərlə vurulduğu bildirilir.

Silahlı qüvvələrin baş komandanı General Valeri Zalujninin dediyinə görə, Rusiya yanvarın 14-də 33 qanadlı raket atıb və onun 21-i Ukrayna havadan müdafiə sistemləri tərəfindən vurulub.

Strateji Soledar şəhərinin kimin nəzarətində olmasıyla bağlı qeyri-müəyyənlik qalır.

Rusiya Prezidenti Vladimir Putin yanvarın 15-də deyib ki, Soledar onun əsgərlərinin nəzarətindədir. “Döyüşdə pozitiv dinamika var. Hər şey plan üzrə gedir”, – o, sözlərinə əlavə edib.

Ukrayna ordusu isə Rusiyanın iddialarını rədd edərək Soledarın içində və ətrafında qızğın döyüşlər getdiyini bildirir.

Bu arada Britaniyanın Baş naziri Rişi Sunak Ukraynaya tank və artilleriya sistemləri veriləcəyini açıqlayıb.

Sunak yanvarın 14-də Zelenski ilə danışandan sonra Ukraynaya “Challenger 2” tankları və digər artilleriya sistemləri veriləcəyini bildirib.

Rusiya Sunakın bəyanatını pisləyib. Rusiyanın Londondakı səfirliyi Twitter-də yazıb ki, bu, “döyüş əməliyyatlarını gücləndirəcək”.

Britaniya Müdafiə Nazirliyi rəsmilərinin dediyinə görə, yanvarın 20-də Almaniyada Ukraynanın donor ölkələrinin görüşündə bu ölkəyə 12 əsas döyüş tankının göndəriləcəyi rəsmən açıqlanacaq.

Dörd “Challenger 2” tankının dərhal, səkkizinin az sonra göndəriləcəyi bildirilir.

24 saat” “
Dneprdə ölənlərin sayı 30-a çatır. Britaniya ‘Challenger 2’ tankları göndərir
” başlıqlı yazını “AzadliqRadiosu”na istinadən dərc edib

Xeberler

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button