İqtisadiyyat
Dollar kreditlərinə qoyulan qadağa başa çatdı
Maliyyə Bazarlarına Nəzarət Palatasının (MBNP) kredit təşkilatlarına xarici valyuta ilə kreditlərin verilməsinə qoyduğu qadağanı götürdüyü bildirilir. APA bu xəbəri banklara istinadən yayıb.
Artıq bankların xarici valyutada kreditləri bəzi şərtlərlə verəcəyi gözlənilir. Yaxın vaxtda Palatanın yeni şərtləri ictimaiyyətə detallı şəkildə açıqlayacağı deyilir.
MBNP Direktorlar Şurasının aprelin 4-də keçirilən iclasında Azərbaycanda xarici valyuta ilə kreditlərin verilməsinin bir ay müddətinə dayandırılması barədə qərar qəbul edilmişdi. O vaxt bu qərar istehlakçıların hüquqlarının müdafiəsi və maliyyə sabitliyinin təmin olunması məqsədilə tənzimləyici çərçivələrin müəyyən ediləcəyi ilə əsaslandırılırdı.