Donald Tramp sülh anonsu verdi
Donald Tramp son günlər daha da gərginləşən ABŞ-Şimali Koreya münasibətləri fonunda ilk dəfə nikbin danışıb. “Fox News”a müsahibəsində “hər şey yaxşı olacaq, sülh olacaq” deyən Tramp bu anonsu ilə nəyi nəzərdə tutduğunu açıqlamaq istəməyib.
“Şimali Koreya ilə bağlı nə düşündüyümü və nə etdiyimi açıqlamayacam. Mən digər administrasiyalar kimi davranmıram və atacağım addımlar barədə əvvəldən məlumat vermirəm. İş bu cür gedə bilməz. Onu deyim ki, bu adamla (Şimali Koreya lideri-red) artıq uzun müddətdir danışıqlar aparılır”, – deyə Tramp bildirib
Xatırladaq ki, Seulla Vaşinqtonun Koreya yarımadasında birgə keçirdiyi irimiqyaslı hərbi təlimlərdən sonra Şimali Koreya bu ölkələrin hər ikisi ilə münasibətləri gərginləşdirib.
Gültəkin
24saat.org
Mənbə – azadliq.info