Now Reading:
“Dövlət qurumları şikayət məktubları ilə futbol oynayır”

“Dövlət qurumları şikayət məktubları ilə futbol oynayır”

Mehman Əliyev: “Onlar üçün bu şikayətlər əhəmiyyətsizdir”

“Turan” İnformasiya Agentliyinin rəhbəri Mehman Əliyev 24saat.org-a açıqlamasında dövlət qurumlarının vətəndaş müraciətlərinə olan laqeyd münasibətini şərh edib. Dövlət instansiyalarının vətəndaşları narazı salan məqamlarla bağlı kifayət qədər məlumatlı olduğunu bildirən M.Əliyev, sadəcə olaraq bu şikayətlərin məmurlar üçün heç bir maraq kəsb etmədiyini vurğulayıb:

“Mən neçə müddətdir ki, fərdi evlərin tikintisi ilə bağlı araşdırmalar aparır, yazılar verirəm. Bunları Nazirlər Kabinetinə, Prezident Administrasiyasına, prokurorluğa yollayıram. Lakin onlar bu məktublarla futbol oynayır. O buna, bu ona fırladır. Şahin Məmmədov yazdığım müraciətə cavab olaraq bildirir ki, təklifləriniz tikinti ilə bağlı məcəlləyə yenidən baxılanda nəzərə alınacaq. Tikinti Məcəlləsinə baxıb başqa şeyləri ora salsalar da, bu təkliflər ora əlavə edilmir. Məmur özbaşınalığı davam edir.
Mənim 10 ayım yazışmalara sərf olunub. Adi məktubdan tutmuş açıq müraciətlərə qədər hər cür müraciət etmişəm. Məlumatlandırmağın nə xeyri var ki? Mənim kimi ayrı-ayrı insanlar da yazır, danışır, öz şikayətini, narazılığını ortaya qoyur. Mətbuata nəzər yetirmək kifayətdir ki, nə qədər şikayətin olduğunu görəsən. Dövlət orqanları mətbuatı da oxumur? Niyə mətbuat xidmətinə bir-iki adam otuzdurub mətbuatda gedən şikayətlərin qeydiyyatını aparmır, onları nəzarətə götürülmür?
Bütün bunlar onu göstərir ki, dövlət orqanları insanları narazı salan məqamlarla bağlı kifayət qədər məlumatlıdırlar. Sadəcə olaraq, onlar üçün bu şikayətlər əhəmiyyətsizdir”.

Seymur Əliyev

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

24saat.org@gmail.com
Çəkdiyiniz videoları bu ünvana yollamaqla bizimlə əməkdaşlıq edə bilərsiniz! Telefon - 055 239-48-36
Input your search keywords and press Enter.