Gündəm
Dövlət büdcəsinin gəlirləri 7.5 faiz azalıb
Bu ilin yanvar-may aylarında Azərbaycanın dövlət büdcəsinin gəlirləri ötən ilin müvafiq dövrü ilə müqayisədə 7.5 faiz azalıb.
Bu barədə “Turan”a Dövlət Statistika Komitəsindən məlumat verilib.
Göstərilən dövr ərzində dövlət büdcəsinin gəlirləri 9 milyard 735.2 milyon manat təşkil edib.
Dövlət büdcəsinin xərcləri isə 9 milyard 366.3 milyon manata bərabər olub ki, bu da illik müqayisədə 0.3 faiz azdır.
Məlumata görə, ölkənin dövlət büdcəsinin profisiti 368.9 milyon manat və ya ÜDM-in 1.2 faizini təşkil edib.
“24 saat” “Dövlət büdcəsinin gəlirləri 7.5 faiz azalıb” başlıqlı yazını “Azadlıq Radiosu”na istinadən dərc edib.