Yardımçı vəzifələrdə çalışan dövlət qulluqçularının maaşı artırılıb
“Dövlət qulluqçularının aylıq vəzifə maaşının müəyyən edilməsi haqqında” Azərbaycan Respublikası Prezidentinin 2018-ci il 13 mart tarixli 3787 nömrəli Sərəncamına dəyişiklik edilib. 24saat.org xəbər verir ki, bununla
bununla bağlı Prezident İlham Əliyev sərəncam imzalayıb.
Sərəncama əsasən, dövlət orqanlarında qulluq edən dövlət qulluqçularının aylıq vəzifə maaşının minimum məbləği yardımçı vəzifələr üçün 165 manatdan 200 manata qaldırılıb.
Bu aydan yardımçı vəzifələrdə çalışan və
165 manat aylıq vəzifə maaşı alanlar 200 manat,
170 manat alanlar 205 manat,
175 manat alanlar 210 manat,
185 manat alanlar 215 manat
maaş alacaqlar.
Sərəncam Azərbaycan Respublikasının xaricdə olan diplomatik nümayəndəlikləri, konsulluqları və digər orqanların nümayəndəlikləridə çalışanlara şamil edilmir.
Bu sərəncam 2019-cu il martın 1-dən tətbiq edilir.
Maraqlı xəbərlər üçün Az24saat.org saytının FACEBOOK səhifəsini izləyin