Dünya liderleri Rusiyanın təcavüzünü belə qarşıladılar
Dünya liderləri Rusiyanın Ukraynaya hərbi hücumunu qınayıb, Qərb mərkəzləri Moskvaya qarşı yeni sanksiyalar vəd edib və BMT baş katibi münaqişənin “dərhal dayandırılmasını” tələb edib.
Rusiyanın təcavüzünə qarşı olan bəzi reaksiyalar:
ABŞ prezidenti Co Bayden
Təcavüzün başlamasından qısa müddət sonra Co Bayden “Bütün dünyanın duaları bu gecə Rusiya hərbi qüvvələrinin səbəbsiz və əsassız hücumuna məruz qalan Ukrayna xalqı ilə birlikdədir” dedi.
O, “Bu hücumun nəticəsində yaşanacaq ölüm və dağıntılara görə yalnız Rusiya məsuliyyət daşıyır” deyə xəbərdarlıq edib.
“Dünya Rusiyanı məsuliyyətə cəlb edəcək”, o əlavə edib.
Böyük Britaniyanın baş naziri Boris Conson
“Ukraynada baş verən hadisələrdən dəhşətə gəldim və növbəti addımları müzakirə etmək üçün prezident Zelenski ilə danışdım” deyə, Britaniya lideri Twitter hesabından yazıb.
“Prezident Putin Ukraynaya qarşı bu əsassız hücumu həyata keçirməklə qan tökmək və məhv etmək yolunu tutdu. Böyük Britaniya və müttəfiqlərimiz qətiyyətlə cavab verəcəklər”.
Avropa İttifaqı
rəhbərləri Ursula fon der Leyen və Çarlz Mişel Twitter-də yazıblar: “Bu qaranlıq saatlarda düşüncələrimiz Ukrayna və günahsız qadın, kişi və uşaqlarladır. Onların bu əsassız hücum nəticəsində həyatları təhlükə ilə üzləşirlər”.
“Biz Kremli cavabını verəcəyik”
NATO-un baş katibi Yens Stoltenberq
NATO-un baş katibi Rusiyanın “suveren və müstəqil ölkəyə qarşı təcavüz yolunu seçdiyini” deyib.
Stoltenberq açıqlamasında hücumun “saysız-hesabsız mülki insanların həyatını riskə atdığını” deyib və bunu “beynəlxalq hüququn ciddi şəkildə pozulması və Avro-Atlantik təhlükəsizliyə ciddi təhdid” kimi qiymətləndirib.
NATO rəhbəri hücumu müzakirə etmək üçün Avropa vaxtı ilə cümə axşamı səhər təcili toplantı keçirəcək.
Kanadanın Baş naziri Castin Trüdo
“Bu əsassız hərəkətlər Ukraynanın suverenliyi və ərazi bütövlüyünün, Rusiyanın beynəlxalq hüquq və BMT Nizamnaməsindən irəli gələn öhdəliklərinin açıq-aşkar pozulmasıdır”, – deyə Trüdo bildirib.
O, “bu həftənin əvvəlində elan edilənlərdən əlavə sanksiyaların tətbiqi də daxil olmaqla” kollektiv cavab formalaşdırmaq üçün Yeddilik Qrupunun tərəfdaşları ilə görüşəcəyini söyləyib.
“Bu ehtiyatsız və təhlükəli əməllər cəzasız qalmayacaq”.
Polşanın baş naziri Mateusz Morawiecki
“Rusiyanın Ukraynaya qarşı cinayətkar təcavüzünə dərhal cavab verməliyik. Avropa və azad dünya Putini dayandırmalıdır”, Morawiecki Twitter hesabında yazıb.
“Bugünkü Avropa Şurası mümkün olan ən şiddətli sanksiyaları təsdiq etməlidir. Bizim Ukraynaya dəstəyimiz real olmalıdır”.
BMT-nin baş katibi Antonio Quterres
Quterres Təhlükəsizlik Şurasının fövqəladə iclasından sonra Rusiya prezidenti Vladimir Putinə birbaşa və şəxsi müraciət edərək, onu “insanlıq naminə” hücumu dayandırmağa çağırıb.
“Bəşəriyyət adına Avropada əsrin əvvəlindən bəri ən pis müharibənin başlamasına imkan verməyin” dedi.
“Münaqişə dərhal dayandırılmalıdır” deyən BMT rəhbəri əlavə edib ki, bu, onun fəaliyyətinin “ən kədərli günü” olub.
BMT-nin sözügedən fövqəladə iclası zamanı Ukraynanın səfiri Sergiy Kislytsya Rusiyanın sədrlik etdiyi şuradan “müharibənin dayandırılması üçün mümkün olan hər şeyi etməyə” çağırıb.
O, Rusiya səfirinin sədrlik vəzifəsindən geri çağrılmasını tələb edib.
“Müharibə cinayətkarları üçün rahat yer yoxdur. Onlar birbaşa cəhənnəmə gedirlər”, – deyə Kyslytsya emosional şəkildə nitqini bitirib.
