Dünyanın ən böyük teleskopu tikilir
Mayın 26-da Çilinin Atakama səhrasında dünyanın ən böyük optik teleskopunun tikintisi başlanıb. Bu, hazırkı ən böyük teleskopdan beş dəfə böyükdür.
Bu teleskop 3 min metrlik yüksəklikdə quraşdırılır, ən böyük güzgüsünün eni 39 metr olacaq. Teleskop 2024-cü ildə işə salınacaq.
Teleskopun digər ulduzların orbitindəki planetlərin kəşfinə, daha kiçik planetlərin tapılmasına kömək edəcəyi gözlənir.
“Burada elmin imkanlarının ən böyük örnəyini görürük”, – Çili prezidenti Michelle Bachelet açılış mərasimində deyib.
Atakamadakı quru mühit müşahidə imkanlarını yaxşılaşdırır. 2020-ci ilədək regiondakı astronomik infrastrukturun 70 faizi bu regionda yerləşəcək.
Teleskopun quraşdırılmasına 1 milyard avronun xərclənəcəyi gözlənir. Maliyyəni Avropa Cənub Rəsədxanası ayırır.
24saat.org
Mənbə – azadliq.org