Manşet
Düşmən dəyirmanına su tökən sapı özümüzdən baltaların TƏXRİBATI -VİDEO
Bakının simvoluna çevrilmiş “Alov qüllələri” kompleksinin üzrəində ötən gecə Ermənistan bayrağı əks olunub.
24saat.org xəbər verir ki, bununla bağlı video və fotolar sosial şəbəkələrdə yayılıb. Bu görüntülərin təsadüf nəticəsində ortaya çıxmadığı, elektrik enerjisi nəticəsində ölkədə yaranan böhranlı vəziyyətin dərhal ardınca yayılması, məsələnin təxribat olduğunu deməyə əsas verir.
Belə məlum olur ki, qaranlığa qərq olmuş ölkənin paytaxtında elektrik enerjisinin verilişi bərpa olunan kimi şəhərin demək olar ki, hər yerindən görünən bu binalarda düşmən bayrağının əks etdirilməsi dövlətimizə verilən mesajdır, hətta təhdiddir.
Əminik ki, tezliklə aidiyyatı qurumlar bu təxribatı törədərək “düşmən dəyirmanına su tökən”nləri və onlara yardım edən “sapı özümüzdə baltalar”ı taparaq qanunvericiliyə uyğun şəkildə cəzalandıracaqlar.
24saat.org