Elnur Vaqifoğlu bir həftədir aclıq aksiyası keçirir
Dosye.az saytının rəhbəri barəsində daha bir hökm çıxarıldı
İyul ayından həbsdə olan jurnalist Elnur Vaqifoğlu bir həftədir aclıq aksiyası keçirir. Bu barədə 24saat.org saytına jurnalistin yaxınları məlumat veirib. Məlumata görə, Gəncə istintaq təcridxanasında saxlanılan E.Vaqifoğlu Ağdam rayon məhkəməsinin qərarına etiraz olaraq aclıq edir.
Ağdam Rayon Məhkəmədinin hökmü ilə ona 3 il azadlıqdan məhrumetmə cəzası verilib.
Elnur Vaqifoğlu iyulun 11-də dələduzluqda təqsirli bilinərək Bakı Ağır Cinayətlər Məhkəməsinin hökmü də 3 il 6 müddətinə azadlıqdan məhrum edilib.
Elnur Məmmədov öz qohumu olan Orxan Məmmədova qarşı dələduzluq etməkdə təqsirli bilinib. İttihama görə, E.Məmmədov qohumundan 10 min manat alaraq məhkəmədə olan işini onun xeyrinə həll etdirəcəyini vəd edib. Amma vəd edilən iş baş tutmayıb. Orxan Məmmədovun şikayəti əsasında Elnur Məmmədov barəsində cinayət işi açılıb. Ona Cianyət Məcəlləsinin 178.3.2-ci maddəsi ilə ittiham elan edilib. Elnur Məmmədov həbs edilməyib və onun barəsində polis nzəarətinə verilmə qətimkan tədbiri seçilib. Amma iş məhkəməyə göndərilən zaman isə Elnur Məmmədov proseslərdə iştirak etməyib. Beləliklə bir neçə ay məhkəmədən yayınıb. O, məhkəməyə gəlmədiyi üçün barəsində həbs qərarı çıxarılıb.
O, həbs edilən zaman daha bir cinayət hadisəsinin iştirakçısı olduğu üzə çıxıb.
O, daxili işlər orqanlarının mayın 14-də həyata keçirdikləri əməliyyat-axtarış tədbirləri nəticəsində həbs edilib. Rəsmi məlumata görə, Elnur Məmmədovun şantaj və hədə-qorxu ilə məşğul olduğunu da üzə çıxarıb. Aparılan araşdırmalarla onun reket jurnalist kimi fəaliyyəti göstərməsi, tez-tez bölgələrə gedərək gizli videoçəkilişlər aparması, şantaj, hədə-qorxu və dələduzluq yolu ilə müxtəlif qurumlardan birdəfəlik və ya aylıq haqq alması məlum olub.
E.Məmmədovun yaxın əlaqələrində olan daha 4 xəbər saytının təsisçiləri və baş redaktorları ilə əlbir olaraq müxtəlif vaxtlarda Ağdam rayonunun bəzi rəhbər vəzifəli şəxslərinin məhz işdən azad olunmaları istiqamətində mütəmadi olaraq barələrində neqativ məzmunlu məqalələr yazması müəyyən edilib. Məlum olub ki, reketlər şantaja məruz qoyduğu şəxslərdən poçt vasitəsi ilə 100-150 AZN məbləğində bir neçə dəfə pul alıb.
Eyni zamanda həmin vəzifəli şəxslərdən onun üçün rayonun məktəblərindən pul yığmalarını tələb edib
Onlar əsasən Ağdam və ətraf rayonlardan olan digər vəzifəli şəxslərdən pul alıb. Pul verməyəcəkləri təqdirdə sosial şəbəkələrdə, öz saytında və yaxın ətrafına daxil olan həmkarlarının xəbər portallarında barələrində rüsvayedici məlumatlar yayacağı ilə hədələyib. Bu kimi çoxlu sayda digər faktlar müəyyən edilib.
Araşdırma nəticəsində 2018-ci il fevralın 9-da Ağdam şəhər sakini Polad Zeynalovun həyətindən silah-sursatın aşkar olunması faktına görə istintaqı aparılan cinayətin açılması da təmin edilib. Müəyyən olunub ki, Ağdam rayon sakinləri – 1-ci Yüzbaşlı kənd orta məktəbinin direktoru Polad Zeynalov və həmin məktəbin müəllimi Vüsal Əliyev arasında iş prosesində münaqişə yaranıb. Müəllim direktora problemlər yaratmaq üçün tanışı Elnur Məmmədova müraciət edib. Belə ki, ona məxsus “dosye.az” saytında işlədiyi məktəb haqqında neqativ məzmunlu məqalələr dərc etməyi sifariş verib.
V.Əliyev bununla kifayətlənməyərək P.Zeynalovu həbs etdirmək qərarına gəlib və bu məqsədlə 2017-ci ilin dekabr ayında yeznəsi Rizvan Mirzaliyevlə birlikdə onun qanunsuz olaraq saxladığı 2 ədəd əl qumbarası, 3 ədəd əl qumbarasına aid alışqan, 3 ədəd “Kalaşnikov” avtomatına aid daraq və 9 ədəd patronu direktor P.Zeynalovun həyətyanı sahəsində gizlədiblər. Bundan sonra E.Məmmədov hüquq-mühafizə orqanlarının birində işləyən tanışına müraciət edərək direktorun qanunsuz silah saxlaması barədə məlumat verib.
2018-ci il fevralın 9-da həmin məlumat əsasında sonuncunun evində və həyətində axtarış aparılıb və oradan V.Əliyev və R.Mirzaliyevin gizlətdikləri silah-sursat aşkar olunub. Dindirmə zamanı Elnur Məmmədov, Vüsal Əliyev və Rizvan Mirzaliyev törətdikləri cinayəti etiraf edib, hər üç şəxs həbs olunub.
24saat.org
