Twitter alması ilə gündəmdən düşməyən İlon Mask Halloween şənliyi üçün maraqlı yer seçib. Mask “Drakula qalası”nı icarəyə götürdü. Tesla və SpaceX-in baş direktoru İlon Maskın Rumıniyada Hellouin bayramı üçün qala icarəyə götürdüyü bildirilir.
Rumıniya mətbuatında yer alan xəbərə görə, milyarder İlon Mask bu gecə Bran qəsrində 140 milyarder dostu, o cümlədən Ancelina Coli, PayPal-ın qurucusu Peter Thiel, Google-un qurucusu Sergey Brin, investor Stiv Jurvetson ilə birlikdə Halloweni qeyd edəcək.
Bir qrup milyarder dünən axşam şəxsi təyyarə ilə Buxarestə, oradan isə vertolyotla Bran qəsrinin yerləşdiyi Braşov şəhərinə gəlib.
Xəbərdə bildirilir ki, çox ciddi təhlükəsizlik tədbirləri görülüb və heç bir zəngin Rumıniya vətəndaşı bayrama dəvət edilməyib.
“Qraf Drakulanın qalası” kimi tanınan Bran qalası Rumıniyanın Braşov şəhərindən 30 kilometr aralıda turistik ərazidə yerləşir.
1897-ci ildə yazılan və kinoya uyğunlaşdırılan dünyanın ən məşhur qotik qorxu romanlarından biri olan “Drakula”nın yazılmasında irlandiyalı Bram Stokerin Bran Qalasından ilham aldığı bildirilir. (AA)
Tərcümə“24 SAAT”
