‘Seçkilərin keçiriləcəyi tarixlər üst-üstə düşmür”
Növbəti parlament seçkilərinin vaxtının irəli çəkiləcəyi ilə bağlı iddialar yalandır. “Report” xəbər verir ki, bunu Milli Məclis sədrinin birinci müavini Ziyafət Əsgərov deyib.
O, bunda zərurət olmadığını deyib.
Z.Əsgərovun sözlərinə görə, Azərbaycanda seçkilərin keçiriləcəyi tarixlər üst-üstə düşmür:
“Bunlar Seçki Məcəlləsi ilə tənzimlənir. İddialar başqa, qanunvericilik başqa şeydir”.
2018-ci ilin oktyabr ayına planlaşdırılan prezident seçkilərinin həmin ilin aprel ayına dəyişdirilməsi, növbəti parlament seçkilərinin də vaxtının dəyişdiriləcəyi barədə söhbətlərə əsas verib.
Milli Məclisə növbədənkənar seçkilər haqda ilk iddianı ReAL sədri İlqar Məmmədov səsləndirmişdi.
Sonuncu dəfə seçkilər 2015-ci ilin noyabrında baş tutub, Milli Məclisə növbəti seçkilərin keçirilməsi isə Konstitusiyaya gprə 2020-ci ildə nəzərdə tutulub.
Maraqlı xəbərlər üçün Az24saat.org saytının FACEBOOK səhifəsini izləyin