Cəmiyyət

Ermənistan əsgərin Azərbaycan snayperi tərəfindən vurulduğunu deyir

Loading...

Yerevan Azərbaycan snayperlərini Ermənistan ordusunun sərhəd mövqelərinə atəş açmaqda ittiham edir.

Müdafiə Nazirliyinin bəyanatında iddia olunur ki, Geğam Sahakyan adlı kiçik serjant sentyabrın 1-də sərhədin Yerasx hissəsində Azərbaycan sneyperlərinin açdığı atəşdən həlak olub.

Nazirlik Azərbaycan tərəfinin hərəkətlərini kəskin pisləyir və onların cavabsız qalmayacağı ilə bağlı xəbərdarlıq edir”, – bəyanatda deyilir.

Azərbaycan tərəf, hələlik, bu xəbərə rəsmi münasibət bildirməyib.

Son həftələr tərəflər bir-birini atəşkəsi pozmaqda ittiham edirlər.

Azərbaycan ötən il 44 günlük müharibə nəticəsində Qarabağın bir hissəsinə və ətraf 7 rayona nəzarəti bərpa edib. Laçın dəhlizinə və qoşunların təmas xəttinə isə Rusiya hərbçiləri yerləşdirilib.

Ermənistanın Baş naziri Nikol Paşinyan 2-ci Qarabağ müharibəsində 3 min 773 erməni hərbçinin öldürüldüyünü bildirib. Azərbaycan isə müharibədə 2 min 907 hərbçisinin həlak olduğunu, 7 nəfərin itkin düşdüyünü açıqlayıb.

Mənbə
“24 saat”

Bənzər məqalələr

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

Back to top button