Xəbərlər

Ermənistan Təhlükəsizlik Şurasının katibi: “Biz yolu açmağa hazırıq, dəhliz yox”

Bakı/14.10.21 Ermənistan yol verməyə, Azərbaycan və Türkiyənin bu yollardan hərəkət üçün istifadə edə bilməsindən ötrü bütün mövcud yolları açmağa hazırdır. “Lakin bütün bu yollar Ermənistanın suveren nəzarəti altında olacaq”, – Ermənistanın Təhlükəsizlik Şurasının katibi Armen Qriqoryan İranın Tasnim agentliyinə müsahibəsində bildirib.

“9 noyabr və 11 yanvar tarixli bəyanatlarının məntiqi ilə Ermənistan Asiya ölkələri, eləcə də Rusiya ilə əlaqə saxlamaq üçün Azərbaycan ərazisindən istifadə etmək imkanı əldə edəcək. Başqa sözlə, Azərbaycanın avtomobil və dəmir yolu infrastrukturundan istifadə etmək imkanımız olacaq. Öz növbəsində Azərbaycan da Naxçıvanla əlaqə saxlamaq üçün Ermənistanın yollarından istifadə etmək imkanı əldə edəcək”, –  o deyib.

İnfrastrukturun açılması Naxçıvana dəmir yolu vasitəsilə Yerevandan İrana və oradan Fars körfəzi – Çabahar limanına qədər getməyə imkan verəcək. İran həmçinin Yerevan, Tbilisi ilə əlaqə saxlamaq imkanı əldə edəcək, eləcə də Avropaya mal və xidmət ixrac edə biləcək. “Ermənistanda yolların açılmasını belə görürlər”, – Qriqoryan deyib.

Eyni zamanda o, Azərbaycandan Naxçıvana gedən yolun Laçın dəhlizi kimi eyni statusa malik olacağını istisna edib. -02D-

 

Turan

“24 saat”

Bənzər məqalələr

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

Back to top button