Erməni hərbçilərə gecə təlimləri: Rus snayperlər göndərildi
Rusiya Silahlı Qüvvələrinin Cənub Hərbi Dairəsinin Ermənistanda dislokasiya edilmiş hərbi bazası yüksək dağlıq şəraitdə snayper təlimlərinə başlayıb.
100 nəfərdən artıq snayper cütlüklərinə təlimlər bir ay müddətində dəniz səviyyəsindən 1500 metr yüksəklikdə yerləşən “Kamxud” hərbi poliqonunda, mənfi 20 dərəcə şaxtada və küləyin sürətinin saniyədə 15 metrə çatdığı şəraitdə keçiriləcək.
Cənub Hərbi Dairəsinin mətbuat xidmətindən Aysor.am saytına verilən açıqlamada bildirilib ki, xüsusi təlimlər sutkanın gündüz və gecə saatlarında aparılacaq. Yeni gələn hərbçilər müdafiə təyinatlı “Ratnik” snayperləri ilə təchiz ediləcək.
Gecəgörmə cihazlarından istifadə etməklə atəş və xüsusi taktiki hazırlıq üzrə məşğələlər keçiriləcək.
Məşğələlərdə təcrübəli təlimçilər müqavilə üzrə xidmət keçən hərbi qulluqçular sırasından olan yeni əsgərlərə “Draqunov” və “Vintorez” snayper tüfənglərindən fərdi nişana alma qaydalarını öyrədəcəklər.
Müşfiq
Cebhe.info