Erməni podpolkovniki Azərbaycan “Harop”unun zərbəsindən danışdı – VİDEO
Aprel ayının əvvəllərində Dağlıq Qarabağda döyüşlərdə yaralanan erməni ordusunun 47 yaşlı podpolkovniki Gevorq Azoyan Azərbaycanın “Harop” dron-kamikadzesinin onlara vurduğu zərbədən danışıb.
Oxu.az erməni KİV-nə istinadən xəbər verir ki, Azoyanın sözlərinə görə, o və digər muzdlular – birinci müharibənin iştirkaçıları Azərbaycanın Silahlı Qüvvələri ilə döyüşmək üçün cəbhəyə gedirdilər.
Talış kəndində muzdlulara hücum edən pilotsuz həmin gün onun doqquz dostunu öldürüb, Gevorqun özü isə xəstəxanaya düşüb.
“Bir çoxları onların başı üzərində şəkil çəkən adi pilotsuzun uçduğunu düşünürdü, ona görə də onun düşməsindən sonra baş verən partlayış və yanğın əksəriyyət üçün gözlənilməz oldu. Bir neçə nəfər yerindəcə öldü. Qalanları xəstəxanaya gedərkən və ya xəstəxanada dünyasını dəyişdi”, – Azoyan deyib.
Yaralanmış işğalçının özü yanıq xəsarətləri ilə xəstəxanaya çatdırılıb.
Xatıladaq ki, dron-kamikadzenin hücumu nəticəsində yaralanan daha iki işğalçı xəstəxanada ölüb.
Beləliklə də bir dəqiq zərbə ilə Azərbaycan ordusu düşmən ordunun doqquz muzdlusunu məhv edib.
