Siyasət
Etiraz aksiyası keçirən bir neçə AXCP üzvü saxlanılıb
Onların məhkəməyə çıxarılacağı gözlənilir
AXCP üzvləri Nicat Abdullazadə, Bəşir Tarverdiyev, Ramin Əhmədov və Ruslan Qurbanlı avqustun 20-də etiraz aksiyası keçiriblər.
Bu aksiya ilə onlar hakimiyyətin həbs etdiyi cəbhəçilərə ailə üzvləri ilə görüşə imkan verməməsinə etiraz ediblər.
AXCP üzvləri Aqil Məhərrəmov, Ruslan Nəsirli və Babək Həsənov bir-neçə ay əvvəl saxta ittihamlarla həbs olunublar və onlara ailə üzvləri görüşməyə imkan verilmir.
Etiraz edən cəbhəçilər saxlanılıb və onlar Yasamal Rayon Polis idarəsinin 28-ci bölməsinə aparılıblar. Ruslan Qurbanlı azad edilsə də, Nicat Abdullazadə, Bəşir Tarverdiyev və Ramin Əhmədov buraxılmayıb. Onların avqustun 21-də məhkəməyə çıxarılması güman edilir.
Natiq Həziquliyev
