2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
Gündəm

Faiq Əmirlinin səhhəti yaxşı deyil

“Azadlıq” qəzetinin yayım direktoru, Azərbaycan Xalq Cəbhəsi Partiyası (AXCP) sədrinin köməkçisi Faiq Əmirlinin səhhətinin pisləşdiyi bildirilir.

Bu haqda onun xanımı Lalə Əmirli məlumat verib.

Saytların yığılması Saytlarin yigilmasi

L.Əmirli mayın 11-də həyat yoldaşı ilə görüşdüyünü bildirib. Onun bildirdiyinə görə, F.Əmirlinin durumu əvvəlcə normal olub. Ancaq tez-tez sağlıq durumunda problemlər yaranıb.

“Əhvalı əla olmasa da normal idi. Görüş 2 saat davam etdi. Ancaq bu müddətin 10-15 dəqiqəsi Faiqin qaytarması ilə keçdi”, xanımı deyib.

O, vurğulayıb ki, F.Əmirli mədə ağrıları ilə bağlı təcridxanada effektiv müalicə almır.

F.Əmirli bir müddət əvvəl səhhətindəki problemlərinə görə, 1 saylı Bakı İstintaq Təcridxanasında həkim müayinəsindən keçirilib. Vəkilləri onda bildirmişdilər ki, bu müayinə nəticəsində də Faiq Əmirlinin səhhətində problemlər aşkarlanıb. Müdafiə tərəfinin bildirməsinə görə, sadəcə cəza evində müalicə ciddi nəticə vermir.

Xatırlatma

Faiq Əmirli ötən il avqustun 20-də saxlanıb. O, həbs ediləndə əvvəlcə Cinayət Məcəlləsinin 168.1-ci (dini ayinlərin icrası adı altında vətəndaşların hüquqlarına qəsd etmə) və 283.2.2-ci (milli, irqi, sosial, dini nifrət və düşmənçiliyin salınması) maddələri ilə ittiham olunurdu. Daha sonra ona yeni ağır ittihamlar irəli sürülmüşdü.

Bu dəfə ittihamlar Cinayət Məcəlləsinin 213.1-ci maddəsi (vergidən yayınma) və 308-ci maddədən (vəzifə səlahiyyətindən sui-istifadə) gedirdi.

F.Əmirli yekun olaraq CM-nin 213.1 (xeyli miqdarda vergidən yayınma) və 283.2.2 (qulluq mövqeyindən istifadə etməklə milli, irqi, sosial və ya dini nifrət, düşmənçiliyin salınması) maddələri ilə ittiham edilib. Bəzi ittihamlar yekunda götürülüb.Yekun ittihamlarla ona 5 ilə kimi həbs cəzası verilə bilər.

F.Əmirlinin cinayət işi artıq, Səbail Rayon Məhkəməsinə göndərilib.

AXCP F.Əmirlinin həbsini siyasi sifariş sayır.

F.Əmirlinin həbsindən sonra «Azadlıq» qəzetinin çapı dayanıb. Üstəlik, qəzetin bir sıra əməkdaşları prokurorluğa çağırılıb, ifadələri alınıb.

24saat.org

Mənbə – azadliq.org

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button