Azərbaycanda ilk dəfə olaraq faydalı qazıntı yataqları hərrac qaydasında istifadəyə veriləcək.

Bu, İqtisadiyyat və Ekologiya və Təbii Sərvətlər nazirliklərinin birgə məlumatında bildirilir.

Saytların yığılması

Bununla bağlı hər iki nazirlik arasında razılaşma əldə olunub.

Açıqlamaya görə, məqsəd iqtisadi mühitin genişləndirilməsi, təbii resursların səmərəli istifadəsi və ekoloji təhlükəsizlik sisteminin formalaşmasıdır.

Məlumatda habelə bildirilir ki, ilk olaraq Ağcabədi, Beyləqan, Goranboy, Göygöl, Qazax, Tovuz rayonlarındakı yataqların hərraca çıxarılması nəzərdə tutulur.

İşğaldan azad olunmuş ərazilərdəki faydalı qazıntı yataqlarının da hərrac vasitəsilə istismara verilməsi planlaşdırılır.

Azərbaycan ötən il 44 günlük İkinci Qarabağ müharibəsi nəticəsində işğal altında olan ərazilərdən üçdə iki hissəsini azad etdiyini açıqlayıb. Ərazilərinin daha bir hissəsinin isə Rusiya sülhməramlıları və Dağlıq Qarabağdakı tanınmayan qurumun nəzarətində qaldığı bildirilir.