FETO-çu “ovu” Malayziyaya qədər gedib çıxdı
Malayziya polisi FETO gizli təşkilatı ilə əlaqəli olduğu iddiasıyla İsmət Özçelik adlı şəxsi həbs edib. “Reuters”in xəbərinə görə, bir Türk universitetinin rəhbəri olan İsmət Özçelik bu axşam saxlanılıb. Malayziya polisi daha əvvəl də FETO ilə əlaqəli olduqları şübhəsiylə Turqay Karaman və İhsan Aslanı həbs etmişdi.
Polis rəisi Khalid Abu Bakar Özçelikin Karaman və Aslanı tanıdığını açıqlayıb. Gözaltılar üçün Ankaradan hər hansı bir tələb gəlmədiyini söyləyən polis sədri deyib: “Niyə xaricdən gələn tələbləri gözləyək? Ölkəmizin qanunları var. Bu insanlar təhlükəsizliyimizi təhdid edir və bura gəlib asayişi təhdid edən insanlar xoş qarşılanmayacaq.”
İsmət Özçelikin daha əvvəl dekabr ayında nəzarətə alındığı və 50 gündən artıq müddətdə nəzarətdə qaldığı deyilir.
azadliq.info
24saat.org
Mənbə – azadliq.info