Filarmoniya bağında “striptiz” – Restoran bağlandı – VİDEO
Bir müddətdir Müslüm Maqomayev adına Azərbaycan Dövlət Akademik Filarmoniyası gecə klubuna çevrilməsi ilə bağlı görüntülərin ardı-arası kəsilmir.
Belə ki, yayılan görüntülərdə yarıçılpaq qızların “twerk” oynaması Filarmoniyanın ərazisində yerləşən “UFFO” restoranının fəaliyyətinin dayandırmamasından xəbər verir.
Azərbaycanın mədəniyyət ocaqlarından birinin belə bir vəziyyətdə olması isə ictimaiyyət tərəfindən böyük təəssüf hissi və hiddətlə qarşılanıb.
Mədəniyyət Nazirliyi Filarmoniya bağındakı restoranın fəaliyyəti ilə bağlı açıqlama yayıb.
Nazirlikdən verilən xəbərə görə, restoranda çəkilmiş videolar bir müddət öncə lentə alınıb və məlum hadisədən sonra müqaviləyə xitam verilərək həmin məkanın fəaliyyəti dayandırılıb, enerji təchizatı kəsilib:
“Filarmoniyanın rəhbərliyi tərəfindən həmin ərazidə asayişin qorunması məqsədilə hüquq mühafizə orqanlarına müraciət edilib və bununla bağlı lazımi tədbirlər görülüb. Bildiririk ki, hazırda heç bir fəaliyyətdən söhbət belə gedə bilməz”.
