‘Formula-1’: Azərbaycan Qran-prisi yekunlaşacaq
Bu gün, iyunu 6-da “Formula-1” üzrə Azərbaycan Qran-prisinə yekun vurulacaq.
Yarışın üçüncü günündə Azərbaycanda beşinci dəfə keçirilən turnirin 6-cı mərhələsinin qalibinin adına aydınlıq gələcək.
Qran-priyədək “Formula-2”də sonuncu yarış təşkil olunacaq. Saat 16:00-da Qran-prinin startı veriləcək. Təxminən 2 saatlıq yarışın ardınca mərhələ qaliblərinin mükafatlandırılması nəzərdə tutulub.
“Formula-1” üzrə Azərbaycan Qran-prisi yarışı iyunun 4 -da start götürüb. Yarışın ilk gününə birinci sərbəst yürüşlər və bolidlərin trek sınağı keçirilib. İyunun 5-i “Formula-2”də sprint yarışları, həmçinin “Formula-1”də üçüncü sərbəst yürüş və sıralama turu gerçəkləşib.
Xatırlatma
Azərbaycanda “Formula-1” yarışları 2016-cı ildən keçirilir. Amma ötən il koronavirus pandemiyası ilə bağlı bu yarışlar təxirə salındı.
Təşkilatçı tərəflə bağlanan müqaviləyə əsasən, Azərbaycan hələ 2024-ci ilə kimi bu yarışlara ev sahibliyi etməlidir. Hökumət bu yarışlara çəkilən tam xərcləri dəqiq açıqlamayıb. Müxalifət hesab edir ki, ölkədə bu yarışlara çəkilən xərclər əhalinin sosial ehtiyaclarına sərf olunmalıdır.
“24 saat” “’Formula-1′: Azərbaycan Qran-prisi yekunlaşacaq” başlıqlı yazını “Azadlıq Radiosu”na istinadən dərc edib.