2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
SEÇMƏ

Fransa millisi DÇ-2022-də növbəti mərhələyə vəsiqə qazanıb

Yayımlandı: 27 Noyabr 2022 01:04

Messi ikinci qolunu vurub, Argentina qələbəyə sevinib

Qətərdə təşkil olunan dünya çempionatında noyabrın 26-da daha dörd oyun keçirilib.

Saytların yığılması Saytlarin yigilmasi

Günün ilk matçı D qrupunda baş tutub. Tunis millisi Avstraliyanı sınağa çəkib. Avstraliyalılar minimal hesabla qalib gələrək, vacib üç xal əldə ediblər.

Bu qrupun digər oyununda isə Fransa və Danimarka yığmaları üz-üzə gəlib. Üç qolun qeydə alındığı görüş fransızların ardıcıl ikinci qələbəsiylə yekunlaşıb. 2:1 hesablı qələbə Fransanın DÇ-2022-də pley-off mərhələsinə çıxmasını rəsmiləşdirib. Qrup mərhələsində üçüncü turun oyunlarının nəticələrindən asılı olmayaraq, Fransa yığması növbəti mərhələyə vəsiqə qazanan ilk komanda olub.

Xal: Fransa – 6. Avstraliya – 3. Danimarka – 1. Tunis – 1.

C qrupunda isə ikinci tura Polşa – Səudiyyə Ərəbistanı matçı ilə start verilib.
İlk turda gözlənilmədən Argentina üzərində qələbə qazanan Səudiyyə Ərəbistanı millisi polşalılarla görüşdə 0:2 hesabı ilə uduzub.

İlk turda Səudiyyə Ərəbistanına 1:2 hesabı ilə məğlub olan Argentina yığması Meksika ilə qarşılaşıb. Bu oyunda argentinalıları qələbə qane edirdi. Əks halda, Lionel Messinin lideri olduğu komandanın DÇ-2022-də qrupda qalmaq ehtimalı daha da böyüyəcəkdi. Amma argentinalılar çətin keçən oyunda qələbə qazanmağı (2:0) bacarıblar. Messi bu oyunda fərqlənməklə, mundialda ikinci qolunu vurub.

Xal: Polşa – 4. Argentina – 3. Səudiyyə Ərəbistanı – 3. Meksika – 1.

DÇ-2022
2-ci tur

27 noyabr

E qrupu
14:00. Yaponiya – Kosta-Rika (“Ahmad Bin Ali” stadionu)
23:00. İspaniya – Almaniya (“Al Bayt” stadionu)

F qrupu
17:00. Belçika – Mərakeş (“Al Tumama” stadionu)
20:00. Xorvatiya – Kanada (“Xalifa” stadionu)

Meydan TV

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button