Fransa televiziyasında Ərdoğanla bağlı qalmaqallı sözlər
Fransız politoloq Filip Moreau Defarges “BFM Business” kanalında qatıldığı bir proqramda prezident Rəcəb Tayyib Ərdoğan haqqındakı sözləri ilə böyük qalmaqal yaradıb.
“Dünyada 7 gün” adlı proqrama qonaq olan Fransa Beynəlxalq Əlaqələr İnstitutunun (IFRI) siyasi eksperti Filip Moreau Defarges Türkiyənin Avropa Birliyi (AB) üzvlüyünün mümkün olmayacağını, üzvlüklə bağlı razılaşma imzalansa belə, 27 üzv ölkədən hər birinin bunu təsdiqləməsi lazım olduğunu söyləyib. Defarges Türkiyədəki referendum nəticələrinə etiraz edilməsi üçün hüquqi yolların bağlandığını bildirərək, etirazların nəticəsiz qalacağını deyib. Türkiyədə bir dalan yarandığını vurğulayan Defarges “o zaman geriyə ya vətəndaş müharibəsi, ya da bunu söyləmək çətin, amma onun (Ərdoğanın) öldürülməsi qalır” söyləyib.
Onun bu sözlərinə etiraz edən aparıcı “bir cinayəti qanuni göstərə bilməzsiniz” deyincə, Defarges bu üsulun və müzakirələrin əsrlərdən bəri davam etdiyini, böyük dinlərdə belə bu cür müzakirələrin yaşandığını bildirib.
Proqram bitdikdən sonra sosial mediada Defargese və “BFM Business” kanalına təpki göstərən vətəndaşlar televiziya ekranlarından cinayət çağırışı edildiyini etirazla qarşılayıb. Fransada yaşayan çox sayda türk də Prezident Ərdoğan haqqında bu sözlərin qəbul edilməz olduğunu vurğulayaraq Fransa Televiziya və Radio yayımı Ali Nəzarət Şurasına (CSA) şikayət ediblər.
azadliq.info
24saat.org
Mənbə – azadliq.info
