Gəlir vergisi 45 faiz azalıb
Nemət Əliyev
Gəlir vergisi üzrə dövlət büdcəsinə daxilolmalar bu ilin “yanvar-fevral” aylarında 45,4% və ya 110 milyon manat həcmində azalıb (ötən ilin eyni dövrü ilə müqayisədə). Sizcə bunun səbəbi nədir? Yeni açılması iddia olunan 85 min iş yerində işçilərin müftə işləməsini düşünməzsiniz, yəqin.
O zaman, etiraf etməsələr də, birmənalı şəkildə təsdiq olunur ki, ya böyük sayda iş yerləri bağlanıb, ya işçilər kütləvi şəkildə öz hesablarına məzuniyyətə göndərilib, ya da əmək haqlarının (maaşların) verilməsində ciddi problemlər yaranıb. Fikrimcə, hər üç səbəb müəyyən nisbətdə birlikdə keçərlidir.
“Yanvar-fevral” aylarında büdcəyə fiziki şəxslərin gəlir vergisi üzrə cəmi 132 milyon manat vəsait daxil olub. Halbuki, proqnoz göstəriciyə görə bu məbləğ 194 milyon manat olmalı idi. Deməli, gəlir vergisi üzrə iki aylıq hökumət proqnozu 32% kəsirlə icra olunub.
24saat.org
Mənbə – azadliq.info
