Böyük Yeddiliyin (G7) xarici işlər nazirləri Rusiyanın Ukraynaya təcavüzünə qarşı xəbərdarlıqları daha da gücləndiriblər.
Dekabrın 11-də Liverpulda baş tutan görüşünün ilk günündə nazirlər təcavüz baş verəcəyi halda Rusiya iqtisadiyyatına ağır sanksiyaların tətbiq olunacağını bir daha təkrarlayıblar.
Böyük Britaniyanın xarici işlər naziri Elizabet Truss bildirib ki, Rusiya xəbərdarlıqlara məhəl qoymasa, “cavabında böyük nəticələr və ağır xərclər olacaq və G7 bunda tamamilə həmrəydir”.
“Haqqında danışdığımız məsrəflər çox, çox sürətli həyata keçirilmək üçün nəzərdə tutulub.”
Truss həmçinin bildirib ki, G7 – Britaniya, Almaniya, Fransa, ABŞ, İtaliya, Kanada və Yaponiya – “azadlığı pozmağa çalışan təcavüzkarlara qarşı vahid cəbhə kimi mövqe tutmalıdırlar”.
ABŞ Dekabrın 11-də prezident Co Bayden də Rusiyanın Ukraynanı işğal edəcəyi təqdirdə dağıdıcı iqtisadi nəticələrlə üzləşəcəyi xəbərdarlığını təkrarlayıb.
Mənbə: AzadlıqRadiosu
“24 saat”