“Gömrük Komitəsi ləğv olunmalıdır”
Sabiq deputat xaricdən telefon aldı, ölkəyə gətirə bilmədi
Keçmiş deputat, iqtisadçı ekspert Nazim Bəydəmirli Dövlət Gömrük Komitəsi tərəfindən qanunsuzluq edildiyi barədə məlumat yayıb.
24saat.org xəbər verir ki, o nu barədə isosial şəbəkədəki səhifəsində yazıb:
“Amazon.com-dan telefon almışam, bağlamanı camex.az daşıma şirkətinin xaricdə (ABŞ-dakı) anbarına göndərmişəm, elektron bəyan edilib və 5.30 dollar gətirilmə xərci ödənilib..bir həftədir anbarda durur..indicə mənə daşıyıcı şirkətdən zəng ediblər ki, biz sizin bağlamanı gətirə bilmərik..çünki Gömrük komitəsi icazə vermir…nə qədər başa salmağa çalışsam da ki, sizin bunu mən bəyannamə verib pulunu ödədikdən sonra etməyə haqqınız yoxdur, dedilər yox, geri qaytarmağa 50 dollar verəcəksiz ki, satıcıya çatdıraq ya da ki, 45 gündən sonra bağlamanız məhv ediləcək”.
İqtisadçı-ekspert vurğulayıb ki, bütün belə əndrabadi qaydalara görə Gömrük komitəsi ləğv olunmalıdır..
O sonda əlavəe dib ki, Gömrük Komitəsini və daşıyıcı şirkəti məhkəməyə verəcək və bu sahədə ixtisaslaşmış vəkil axtarır.
