Gömrük Komitəsinin rüşvətlə həbs edilən maliyyə rəisi hakim qarşısında
Natiq İmanov rüşvət almaqda ittiham olunur
Bakı Ağır Cinayətlər Məhkəməsində Dövlət Gömrük Komitəsinin (DKG) Maliyyə və Təchizat İdarəsinin Maliyyə şöbəsinin keçmiş rəisi, polkovnik-leytenant Natiq İmanovun cinayət işi üzrə məhkəmə prosesi başalyıb.
24saat.org xəbər verir ki, hakim Azad Məcidovun sədrliyi ilə keçirilən hazırlıq iclasında vəkili təqsirləndirilən barəsində seçilmiş həbs-qətimkan tədbirinin dəyişdirilməsi barədə vəsatət qaldırsa da, təmin edilməyib.
Anket məlumatları dəqiqləşdirilərkən Natiq İmanov 2 azyaşlı övladı olduğunu söyləyib.
Gömrük polkovnikinin işi üzrə məhkəmə baxışı noyabrın 21-nə təyin edilib.
Natiq İmanov rüşvət almaqda ittiham olunur. Dövlət Gömrük Komitəsinin yaydığı məlumatda ibildirilir ki, o, pensiya yaşına çatan gömrük əməkdaşlarından birindən 2500 manat alanda tutulub.