2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
Texnologiya

“Google Analytics” servisi QANUNSUZ hesab edildi


Fransanın Kompüter Elmləri və Vətəndaş Azadlıqları üzrə Milli Komissiyası (CNIL) hesab edir ki, dünyanın ən məşhur veb analitika servisi olan “Google Analytics” istifadəçi məlumatlarının konfidensiallıqları üçün təhlükə yaradır.

Lent.az xəbər verir ki, komissiyanın fikrincə, “Google” şirkəti avropalı istifadəçilərin məlumatlarının konfidensiallıqlarını lazımi səviyyədə təmin etmir. Bu isə Avropa regionundakı məlumatların təhlükəsizlikləri üzrə ümumi reqlamentin (GDPR qanunu) pozulması deməkdir.

Saytların yığılması Saytlarin yigilmasi

Komissiya bildirib ki, “Google” şirkəti avropalı istifadəçilərin ABŞ-a ötürülən məlumatlarının qorunması üçün lazımi tədbirləri görmür. GDPR qanununa əsasən “Google” həmin məlumatların üçüncü tərəflərə (xüsusi dövlət orqanları da daxil olmaqla) keçməsinə şərait yarada biləcək istənilən imkanı aradan qaldırmalıdır.

“Mövcud olan imkanlar ABŞ dövlət orqanlarının həmin məlumatları əldə etmələri faktorlarını aradan qaldırmaq üçün kifayət etmir. Buna görə də fransız saytlarının “Google Analytics” servisindən istifadə edən və məlumatları ötürülən istifadəçiləri üçün risklər mövcuddur” – deyə komissiya qeyd edib.

Komissiya iddiasının əsas məğzi ondan ibarətdir ki, ABŞ-da istifadəçi məlumatlarının qorunması üzrə GDPR qanununa ekvivalent ola biləcək bir qanun yoxdur. Buna görə də “Google” şirkəti avropalı istifadəçilərin məlumatlarını rahat şəkildə ABŞ dövlət orqanlarına ötürə bilər.

“Google” dəfələrlə qeyd edib ki, ona məxsus olan veb analitika servisi istifadəçilərin izlənməsi üçün istifadə edilmir və onun vasitəsilə yığılan məlumatlar servisin müştəriləri tərəfindən idarə olunur.

Təqdim edilmiş bu bəyanat ilə birlikdə komissiya adı çəkilməyən veb saytın operatoruna (söhbətin hansı veb saytdan getdiyi bilinmir) “Google Analytics”dən istifadəni dayandırmaq göstərişi verib.

Qeyd edək ki, bu, Avropanın nizamlayıcı orqanı tərəfindən “Google Analytics”i məhdudlaşdıran ikinci haldır. Belə ki, yanvar ayında Avstriyanın nizamlayıcı orqanları da “Google Analytics”in istifadəsini qadağan etmişdilər. / “technote”

24 saat” “
“Google Analytics” servisi QANUNSUZ hesab edildi
” başlıqlı yazını “lent.az”a istinadən dərc edib

Xeberler

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button