“Google Earth”lə Britaniyada 3 min il yaşı olan heykəllər tapılıb
Həvəskar tarixçi Riçard Darlou iddia edir ki, “Google Earth” xidmətinin köməyi ilə Britaniya kəndlərində təxminən 3 min il əvvəl yaradılmış nəhəng heykəllər aşkar edib.
Tədqiqatçının sözlərinə görə, o bütün İngiltərə və Uels üzrə 40-a yaxın yer tapıb ki, bunlar tarla və ağaclardan ibarət olan mifik varlıqlar şəklində təqdim edilib. Bundan başqa, o qadın, it və donuzların təsvirindən ibarət bir neçə heykəl də aşkar edib.
Virtualaz.org xəbər verir ki, Britaniya nəşri “The Independent”in yazdığına görə, Darlou 20 ən yaxşı və ən maraqlı tapıntının daxil edildiyi elektron kitab da hazırlayıb.https://twitter.com/Independent/status/751443202629070848/photo/1?ref_src=twsrc%5Etfw
O qeyd edib ki, əksəriyyəti əjdaha şəklində təqdim edilən heykəllər qədim britaniyalıların dünyagörüşünü anlamağa kömək edə bilər. Tədqiqatçı həm də niyə indiyə qədər onları heç kimin aşkar etmədiyinə təəcübləndiyini bildirib.
