Gündəm
“Günəşli“də həlak olan neftçilərin ailələrinə sığorta ödənilib
“Günəşli” neft yatağında baş vermiş qəzada həlak olan neftçilərə görə sığorta ödənişləri həyata keçirilib.
Virtualaz.org bildirir ki, bunu jurnalistlərə açıqlamasında “PAŞA Həyat Sığorta” ASC İdarə Heyətinin sədri Mürsəl Rüstəmov deyib.
M.Rüstəmov qeyd edib ki, qəza nəticəsində həlak olan neftçilərlə bağlı onlara təqdim olunmuş sənədlər üzrə neftçilərin ailə üzvlərinə sığorta ödənişləri verilib: “Təxminən 12-13 neftçi ilə bağlı sənədlər təqdim olunub və onların ailəsinə sığorta ödənişi tam həyata keçirilib. Konkret məbləğ yoxdur, işçidən asılı olaraq müxtəlif məbləğlər ödənilib. Bu istiqamətdə işlərimizi davam etdiririk”.
