Gürcüstan universiteti Cənubi Qafqazda birinci oldu

09/09/2017

İvane Cavaxişvili adına Tbilisi Dövlət Universiteti Times Higher Education World University Ranking 2018 dünyanın aparıcı universitetləri reytinqində yer alıb. Siyahıda 1,5 min universitet var. Ali məktəblər təhsil mühiti, araşdırmalar, təhsil səviyyəsi, həmçinin beynəlxalq əlaqə səviyyəsinə görə qiymətləndirilib.
Gürcüstan universiteti siyahıya düşən Cənubi Qafqazın yeganə ali məktəbi olub və reytinqdə Avropanın 400 universiteti arasında 301+-ci yeri tutub. Universitet dünya reytinqində 77 ölkədən 1500 universitet arasında 1001+ mövqedə qərarlaşıb. TDU-də 21,8min tələbə təhsil alır, bunun 2%-i əcnəbidir. Təhsil müəssisəsində 770-dən çox müəllim çalışır.
Reytinqdə ilk yeri Oksford universiteti yer alıb. Ikinci yerdə Kembric universitetidir. Növbəti yerlərdə ABŞ-ın Kaliforniya Texniki Universiteti, Stenford, Massacuset Texnoloji Universisteti, Harvard, Priston universitetləridir.