Now Reading:
Həbsdəki baş redaktora 8 il həbs tələbi

Həbsdəki baş redaktora 8 il həbs tələbi

Hədə-qorxu ilə pul tələb etməkdə təqsirləndirilən jurnalist, “Jam.az” saytının baş redaktoru Fikrət İbişbəylinin (Fəraməzoğlu) cinayət işi üzrə məhkəmə prosesi davam edib.

Lent.az-ın məlumatına görə, Bakı Ağır Cinayətlər Məhkəməsində hakim Eldar Mikayılovun sədrliyi ilə keçirilən prosesdə prokuror çıxış edib. O, F. Fərəməzoğlunun 3 il jurnalist fəaliyyətindən məhrum edilməklə 8 il müddətinə azadlıqdan məhrum edilməsini istəyib.

Proses iyunun 9-da davam edəcək.

Qeyd edək ki, Daxili İşlər Nazirliyinin (DİN) mətbuat xidmətinin yaydığı məlumata görə, Xətai rayonunda yerləşən restoranlardan birinin sahibi olan paytaxt sakini DİN-ə müraciət edərək İbişbəyli Fikrət Fərəməz oğlunun rəhbəri olduğu “Jam.az” və digər saytlarda obyektinin işgüzar nüfuzuna xələl gətirən materiallar yaydığını, həmin yazıları saytdan çıxarmaq müqabilində bu ilin aprel ayında ondan 1000 manat aldığını və gələcəkdə bu səpkili materialların yazılmaması üçün hər ay 5000 manat tələb etdiyini bildirib.

Rəsmi məlumata görə, Fikrət İbişbəyli ötən il iyunun 30-da həmin şəxsdən eyni üsulla 3000 manat alarkən saxlanılıb.

Input your search keywords and press Enter.