Siyasət
Həmsədrlər Nalbandyanla Qarabağı müzakirə etdi
ATƏT-in Minsk qrupunun həmsədrləri Ermənistanda səfərdədir.
Apa-nın “İnterfaks”a istinadən verdiyi məlumata görə, onlar Ermənistan xarici işlər naziri Edvard Nalbandyanla görüşüb.
Görüşdə Dağlıq Qarabağ münaqişəsinin nizamlama prosesinin irəliləməsinə dair addımlar müzakirə olunub. Tərəflər Vyana və Sankt-Peterburq razılaşmalarının yerinə yetirilməsinə ehtiyac olduğunu vurğulayıb.
Qeyd edək ki, ATƏT-in Minsk qrupunun həmsədrləri martın 10-11-də Azərbaycanda səfərdə olublar.
