Afrikanın şərqində yerləşən Malavidə təsirli olan “Freddi” qasırğasında 600-dən çox insan həyatını itirib. Qasırğadan ən çox zərər görən Malavidə minlərlə insan evsiz qalıb, 345 mindən çox insan qasırğadan zərər çəkib.
Malavi Milli Fəlakət İdarəsinin rəhbəri Çarlz Kalemba, bölgədə 17 gündür davam edən axtarış-xilasetmə işlərinin dayandırılacağını bildirərək, “Hələ də təxminən 537 itkin var. 17 gün olduğunu nəzərə alsaq. itkin düşəndən sonra sağ qalma ehtimalı azdır.İtkin düşmüş 537 nəfər ölü elan ediləcək”.
“Freddi” qasırğası ilk dəfə fevralın 21-də Madaqaskarı, 3 gün sonra isə Mozambiki vurdu və hər iki ölkədə minlərlə insanı didərgin saldı. Ümumdünya Meteorologiya Təşkilatının (WMO) verdiyi açıqlamada Hind okeanı üzərində 32 gündür davam edən fırtınanın tarixdəki ən uzun fırtına ola biləcəyi bildirilib.
Topladığı gücü və Hind okeanını keçərək 8 min kilometr səyahəti ilə rekorda imza atan Freddi, ötən fevralın əvvəlində Avstraliya sahillərində peyda olmuş, Mavrikiy və La Reunionu təsir etmiş, daha sonra Madaqaskar, sonra isə Mozambiki vurmuşdur. (İHA)
Tərcümə“24 SAAT”