2024-cü ildə Azərbaycanda həbsdə olan jurnalistlər 2024-cü ildə Azərbaycanda həbsdə olan jurnalistlər
Gündəm

Hacı Cavad məscidinin əvəzinə yenisi tikiləcək

Hacı Cavad məscidi söküləcək. Başqa ünvanda yeni məscid inşa olunacaq. Artıq, bununla bağlı qarşılıqlı razılaşma əldə olunub”.

Bu haqda Hacı Cavad məscidi icmasından bildiriblər. İcmadan onlara edilən təklifin münasib olduğunu deyiblər.

Saytların yığılması Saytlarin yigilmasi

Bu gün, iyunun 1-də yeni məscidin inşa olunacağı əraziyə baxış da keçirilib. Bu məscid də Bakının Yasamal rayonu ərazisində inşa olunacaq.

Bu haqda Dini Qurumlarla İş üzrə Dövlət Komitəsindən bildiriblər.

Məlumatda bildirilir ki, Qafqaz Müsəlmanları İdarəsinin sədri Allahşükür Paşazadə, baş nazirin birinci müavini Yaqub Eyyubov, Dini Qurumlarla İş üzrə Dövlət Komitəsinin sədri Mübariz Qurbanlı icma nümayəndələri ilə birgə ərazidə olublar.

İştirakçılara tikiləcək məscidin ərazisi, layihəsi, eskizləri, memarlıq cəhətdən özəllikləri ilə bağlı bilgi verilib.

Dini Qurumlarla İş üzrə Dövlət Komitəsinin sədri Mübariz Qurbanlı yeni məscidin gələn ilə hazır olacağını bildirib.

XATIRLATMA

Bu il aprelin 12-si Bakının Yasamal rayonu ərazisindəki Hacı Cavad məscidini sökməyə cəhd etmişdilər.

Həmin vaxt əraziyə Yasamal rayon İcra Hakimiyyətinin işçiləri və polis əməkdaşları gəlmişdi. Ancaq məscidin daxilində və önündə dayanan yüzlərlə insan söküntüyə imkan verməmişdi.

Prezident İlham Əliyev isə aprelin 13-də inanclı insanların reaksiyasını nəzərə alaraq, məscidin söküntüsünün dayandırılması, məsələnin hərtərəfli araşdırılması və binanın texniki vəziyyətinin tam obyektiv qiymətləndirilməsi məqsədilə xüsusi komissiyanın yaradılması barədə tapşırıq vermişdi.

Yerli camaatın bildirdiyinə görə, bu məscidi Hacı Cavad adlı tacir tikdirib. Məscidin giriş qapısının üstündə üç daş kitabə həkk olunub. Həmin kitabələrdən birinə əsasən, məscidin inşa tarixi hicri-qəməri təqvimi ilə 1305-ci ilə aiddir. Bu, milad təqvimi ilə XIX əsrə düşür.

24saat.org

Mənbə – azadliq.org

Saytların yığılması Saytlarin yigilmasi

Bənzər məqalələr

Bir cavab yazın

This site uses Akismet to reduce spam. Learn how your comment data is processed.

Back to top button