Cəmiyyət
Hacıbala Abutalıbov haqda xəbərə köməkçisindən REAKSİYA
Bakı Şəhər İcra Hakimiyyətinin (BŞİH) başçısı Hacıbala Abutalıbovun beyin insultu keçirdiyi barədə məlumatlar yayılıb. Bakı merinin müalicə üçün Almaniyaya aparıldığı da bildirilir.
Modern.az məsələni dəqiqləşdirmək üçün merin özünə telefon açıb. Telefona H.Abutalıbovun köməkçisi cavab verib.
O, saytımıza məlumatın həqiqəti əks etdirmədiyini bildirib:
“Nə danışırsınız, kim yayıb belə məlumatı? Hacıbala müəllimin səhhətində heç bir problem yoxdur, yaxşıdır. Hazırda da işinin başındadır. Bir az əvvəl Fəxri Xiyabanda olub. Hazırda işdədir”.