Hakim: “Pullar bəlkə Arif Alışanovun babasından qalıb?!
Hakim Arif Alışanovun 5-6 milyonluq əmlak almasını araşdırmağın məhkəmənin işi olmadığını bildirib!
24saat.org saytı xəbər verir ki, bu gün (14.03.2018) Bakı Ağır Cinayətlər Məhkəməsində AzTV QSC-nin sədri Arif Alışanov və yaxınlarını öldürməyə cəhddə, ona qarşı dələduzluq etməkdə və digər cinayətlərdə təqsirləndirilən Şücayət Əkbərov, Qoçalı Cəbiyev, Zöhrab Şirinov və Aqşin Hüseynovun cinayət işi üzrə məhkəmə prosesi keçirilib.
Prosestə cavabdeh Ş.Əkbərovun vəkili məhkəmə heyətinə etiraz verib – az24.org saytı bu barədə məlumat verib. Alışanovun vəkilləri və prokuror etirazın əsassız olduğunu deyərək, qəbul edilməməsini istəyiblər. Bundan sonra məhkəmə etirazla bağlı müşavirəyə çıxıb. Qərara əsasən etiraz əsassız hesab edildiyi üçün baxılmamış saxlanılıb.
Daha sonra cavabdeh Ş.Əkbərovun vəkili alqı-satqılarla bağlı 2013-2017 ci illər üçün Şamaxı notariatına sorğu verilməsi barədə vəsatət verib.
Məhkəmə hazırkı mərhələdə bu vəsatətin də təmin edilməsinə ehtiyac görməyib.
Bundan sonra cavabdeh tərəfindən qaldırılan digər vəsatət Arif Aslanovun və digərlərinin aylıq əməkhaqqı ilə bağlı maliyyə arayışı alınması barədə olub. Vəkil bildirib ki, dövlət məmuru 5-6 milyonluq əmlak alırsa bu pulu necə qazandığına aydınlıq gətirməlidir.
