“Hakimiyyətdə Azərbaycanı Rusiyanın quberniyası görmək istəyən məmurlar var”
Hafiz Hacıyev: “Qarabağın işğalında da onların iştirakı olub”
“Hakimiyyət daxilində Rusiyanın quberniyası olmağı arzulayan böyük məmur təbəqəsi var”.
Bunu 24saat.org-a açıqlamasında Müasir Müsavat Partiyasının sədri Hafiz Hacıyev bildirib. Partiya sədrinin sğzlərinə görə, bu məmurlar uzun illər ərzində yığdıqları pulları təhlükəsiz şəraitdə yemək üçün Azərbaycanın Rusiyanın quberniyasına çevrilməsində maraqlıdır:
“Bu qəbildən olan məmurlar arasında Rusiyadan orden-medallar alan, onlarla axşama qədər bir yerdə yatıb-duran, onların dediklərini Azərbaycanda tətbiq edən insanlar var. Hökumətdəki “qocalar evi”ndə yer alan bu insanlar hakimiyyətdən getməlidir. Onlar Azərbaycanı onu görə Rusiyanın quberniyası kimi görmək istəyirlər ki, oğurladıqları pulları asta-asta, xımır-xımır yesinlər. Onlar Rusiyanı sığınacaq qismində görürlər. Hakimiyyət daxilindəki “beşonci kalon”un Qarabağın ermənilər tərəfindən işğalında da əli olub”.
