Hansı şirkətlərin loqoları SƏHV dizayn edilib?
Tamara Mustafayeva, Banco.az
Ehtimal ki, bir çox insanlar fərqinə varmasalar da, bəzi tanınmış şirkətlərin loqolarında müəyyən qüsurlar vardır. Bu markalar məhz qəsdən belə bir strategiya həyata keçiriblər. Yəni, loqonun bu qüsurlarla dizayn edilməsi üçün ciddi fikir mübadilələri aparılmışdır. Nəticədə isə şirkətlər bu qüsurlarla insanlara çatdırmaq istədikləri mesajları ötürməyə nail olurlar.
Həmçinin oxu: Tanınmış firmaların loqoları əşya olsaydı hansı məqsədlərlə istifadə edilərdi?
Bugünkü məqaləmizdə həmin şirkətlərdən üçü ilə sizləri tanış edirik.
Texnologiya nəhəngi “Google” 2015–ci ildə öz loqosunun dizaynını yenilədi və daha əvvəl istifadə etdiyi “serif” yazı tipinin əvəzinə “sans” yazı tipindən istifadə etdi. Ancaq texnologiya şirkətinin yeni loqosunda başqa bir vacib nüans da var idi. “Google”un baş hərfini təmsil edən “G” formalı loqoda istifadə edilən yazı tipi həndəsi “sans” olmasına baxmayaraq, bu “G” hərfi mükəmməl çəmbər yaratmırdı. Ancaq bu dizayn şirkətin daha əlçatan və qeyri-adi imic yaratmasını təmin etmək üçün qəsdən düşünülmüşdü.
Həmçinin oxu: Google haqqında bilmədiyiniz 14 qeyri-adi fakt
Starbucks
Dünyanın ən böyük qəhvə restoranları şəbəkələrindən biri olan “Starbucks” da loqosunu yenidən dizayn etdi və loqonun üzərində əks olunan dəniz qızı təsvirini yaşıl rəngə boyadı. Bununla yanaşı loqoda digər bir mühüm dəyişiklik də var idi. Belə ki, dəniz qızı təsvirinin üz cizgiləri bu dəfə asimmetrik olaraq çəkilmişdi. Çünki simmetrik üz cizgiləri dəniz qızının “qorxulu” görünməsinə səbəb olurdu. Təsvirə asimmetrik görünüş vermək üçün dəniz qızının burnunun bizə nəzərən sağ tərəfindəki kölgə uzadıldı. Bununla da, dəniz qızı təsviri daha səmimi və insani görünüşə sahib oldu.
Həmçinin oxu: “Starbucks”-ın loqosundakı sirr yoxsa qüsur?
7 –Eleven
“7-Eleven” loqosunda təsvir edilən “Eleven” sözünün bütün hərfləri böyük yazıldığı halda, təkcə “n” hərfi kiçik yazılıb. Şirkətin açıqlamasına görə, bununla onlar markanın daha zərif görünməsinə çalışıblar. Qeyd edək ki, bu fikir şirkətin 1960–cı illərdə rəhbəri olmuş şəxsin xanımına məxsus idi.
Həmçinin oxu: Ən qeyri-adi dizayn nümunələri
