Mirmahmud Mirəlioğlu: “Artıq anti-böhran tədbirləri belə vəziyyətdən çıxış yolu deyil”
Son vaxtlar ökədə iqtisadi-sosial vəziyyətin ağırlığı yaxın gəlcəkdə sosial partlayışların meydana gələcəyi ilə bağlı müxtəlif proqnozlara yol açmaqdadır. Maraqlıdır, proseslərin məlum gedişatı fonunda yaxın gələcəkdə sosial partlayışların meydana çıxması mümkündürmü?
24saat.org-a açıqlama verən KXCP sədri Mirmahmud Mirəlioğlu sosial partlayışla bağlı ehtimalın heç bir proqnoza sığmadığını qeyd etdi:
“Mövcud narazılığın sosial partlayışa nə zaman çevriləcəyini kimsə proqnozlaşdıra bilməz. Bu, bir-neçə saatdan sonra da, bir müddət sonra da baş verə bilər. Hakimiyyətin hesablamalarına görə, bu, heç vaxt olmayacaq. Lakin bu elə bir məsələdir ki, heç bir proqnoza sığmır.
İqtisadi böhranla bağlı artıq konkret addımlar atmaq lazımdır. Lakin şəxsən mən belə hesab edirəm ki, heç bir anti-böhran tədbiri belə vəziyyətdən çıxış yolu deyil. Heç bir tədbir hökuməti bu vəziyyətdən çıxarda bilməyəcək”.
Seymur Əliyev
