Siyasət
“Heç olmasa, gəlib səs versinlər”
Deputatların iclas zalını yarımçıq tərk edrək çay içməyə getmələri Oqtay Əsədovun narazılığına səbəb olub
Milli Məclisin iclasında “Peşə təhsili haqqında” qanun layihəsinin ikinci oxunuşda müzakirəsi zamanı səsvermədə yetərsay olmayıb.
24saat.org xəbər verir ki, iclas zalında deputatların sayının az olması səbəbindən səsvermənin keçirilməsi mümkün olmayıb. “Qeydiyyatdan keçəndə 97 nəfər idilər. Səsvermə zamanı zalda cəmi 78 deputat var. Haradadır bunların qalanı? İclas bitməmiş boğazları quruyub ki, çaya qaçıblar? Çağırın, gəlib səs versinlər heç olmasa” – deyə spiker Oqtay Əsədov narazılığını bildirib.
Bundan sonra deputatlar zala qayıdıb və yenidən səsvermə ilə layihə qəbul edilib.