24saat.org ''Hökumət Avropa Məhkəməsinin İlqar Məmmədovla bağlı ikinci qərarını da icra etmir'' - 24 saat

AZ24SAAT.ORG

Now Reading:
”Hökumət Avropa Məhkəməsinin İlqar Məmmədovla bağlı ikinci qərarını da icra etmir”

‘Hakimiyyət bu cür hərəkətlərlə növbəti, beynəlxalq hüquq pozuntusuna imza atır”

 

“Azərbaycan hökuməti İlqar Məmmədovla bağlı Avropa İnsan Hüquqları Məhkəməsinin ikinci qərarını da icra etmir. Halbuki məhkəmənin qərarı qəti olduğu andan 3 ay ərzində icra olunmalıdır”.

İlqar Məmmədovun vəkili Fuad Ağayev “Turan” İnformasiya Agentliyinə açıqlamasında belə deyib. Bildirib ki, məhkəmənin icra üçün qoyduğu 3 aylıq müddət iyunun 5-də bitdi. Ancaq qərarın icrası ilə bağlı heç bir hərəkət edilməyib.

İlqar Məmmədov 2013-cü ilin yanvarında İsmayıllıda kütləvi iğtişaşların təşkilində ittiham olunaraq 7 il azadlıqdan məhrum edilib.

Avropa İnsan Hüquqları Məhkəməsi (AİHM) 2014-cü ilin mayında İlqar Məmmədovun azadlıq hüququnun və təqsirsizlik prezumpsiyasının pozulduğunu tanıyıb. Ancaq o, hələ də azadlığa buraxılmayıb.

Ötən il dekabrın 5-də Avropa Şurası Nazirlər Komitəsi (AŞNK) AİHM-in İlqar Məmmədovla bağlı qərarının nəzərə alınmamasına görə Azərbaycana qarşı xüsusi prosedura başlanması barədə keçid qətnaməsi qəbul edib.

Məhkəmə bu iş üzrə ikinci qərarı 16 noyabr 2017-ci ildə elan edib. Qərar martın 5-də qərar qüvvəyə minib. Avropa Məhkəməsi ikinci işdə İ. Məmmədovun Avropa İnsan Hüquqları Konvensiyasının 6-cı maddəsi ilə nəzərdə tutulan ədalətli mühakimə hüququnun pozulmasını tanıyıb və işdə ona qarşı istifadə edilən bütün sübutların mötəbər olmadığını qət edib.

Qanunvericiliyə görə, Avropa Məhkəməsinin qərarı ilə bağlı məsələyə Ali Məhkəmənin plenumu baxmalıdır. Bu il mayın 25-də Ali Məhkəmənin plenumunun iclası olub.

“Həmin plenumda İlqar Məmmədovla bağlı məsələyə baxılıb-baxılmaması barədə nə mənə, nə də İlqar Məmmədova hər hansı məlumat verilib. KİV-də plenum haqqında dərc edilmiş xəbərlərdə İlqar Məmmədovla bağlı ikinci iş üzrə Avropa Məhkəməsinin qərarına dair məsələyə baxılması barədə məlumat yoxdur. Hakimiyyət bu cür hərəkətlərə yol verirsə, növbəti dəfə beynəlxalq hüquq pozuntusuna imza atmış olur”, deyə o qeyd edib.

Vəkil bildirib ki, bundan sonra ilk addım olaraq Avropa İnsan Hüquqları Məhkəməsinin qərarlarının icrasına nəzarəti həyata keçirən Nazirlər Komitəsinə müraciət edəcək.

Onun sözlərinə görə, Avropa İnsan Hüquqları Məhkəməsi hazırda İlqar Məmmədovun birinci işi üzrə qərarla bağlı Nazirlər Komitəsinin verdiyi sorğuya baxır.

“Bu məsələ ilə bağlı məhkəmə ilə yazışmalarımız olur. O ki qaldı ikinci qərara, qəbul olunub, qətidir. Azərbaycan dövləti tərəfindən icra olunmalıdır”, deyə F. Ağayev qeyd edib.

SİZ DƏ FİKRİNİZİ YAZIN

This site uses Akismet to reduce spam. Learn how your comment data is processed.

24saat.org@gmail.com
Çəkdiyiniz videoları bu ünvana yollamaqla bizimlə əməkdaşlıq edə bilərsiniz! Telefon - 055 239-48-36
[mc4wp_form id=""]
Input your search keywords and press Enter.